تجارب

Five things I wish I knew before entering a sewing course | ما تمنيت معرفته قبل إنضمامي لدورة الخياطة

أهلا بكم جميعاً

تدوينة اليوم عن تجربتي في دورة الخياطة

لم يستهويني تصميم الملابس و لم أفكر قبلا في الإنضمام لدورة خياطة , و لكن كنت دوما أود تعلم آلة الخياطة و إتقان إستخدامها

 لأني دوما أصادف الحقائب المصنوعة من الأقمشة كهذه المجموعة

pinterest  عبر تصفحي موقع

ثم أتتني والدتي ذات يوم لتخبرني أن جارتنا ستدرس دورة خياطة , و في ذلك الوقت كانت إجازة فرحبت بالفكرة و أردت خوض تجربة جديدة

و هنا أشارككم تجربتي في هذه الدورة

كتبتها بالعامية لأن مسودة التدوينة قديمة قبل أن أقرر ان اكتب باللغة العربية

أتمني ان تستفيدو من تجربتي و شاركوني بأرائكم في التعليقات

 : لنبدأ

 

Five things I wish I knew before entering a sewing course

  • ماكينة الخياطة
  • القماش
  • الإبداع و لمستك الخاصة
  • طول المدة و إنسجامك مع الناس في الكورس
  • معايير التقييم

أول شي لازم تكون عندك ماكينة خياطة باش تطبقي في الحوش و الأهم تتأكدي أن الكورس مدايرين درس لتعليم التخييط بيها , لان لازم تعرفي كل شئ بالنسبة للماكينة و كيف تشتغلي عليها باش تخيطي اللي فصلتيه طول

ثاني شي

أنواع الأقمشة كل نوع من الحوايج بتفصليه تبيله قماش معين

و اهني فيه مسميات هلبا للأقمشة

صح يمكن صاحب المحل يعطيك شن تبي بس لما تكوني زابطة الأنواع حتفرق

فديما أسألي على الأقمشة و تعلمي أنواعها

ثالث شي

الإبداع , في كل حرفة بتتعلميها تبيلها يكون عندك نوع من الإبداع

لأن مرات يعطوك فصالة شي معين زي قفطان مثلا

هيا الأبلة بتعطيك التفصيلة الأساسية بس الإضافات للقفطان و شن بتضيفيله باش يطلع حلو هذا كله لازم إنتِ تديريه

فلما يكون عندك رغبة و مخيلة حتطلع معاك القطعة حلوة

رابع شي

لازم تبدي عارفة مدة الكورس كم , لان مرات تملي من طول المدة زي ماصارلي

و الأشخاص اللي بيحضرو معاك مرات ماتنسجميش معاهم فحاولي ماتخليش الشي هذا يأثر عليك و ألهي بس أنك تتعلمي

خامس شي

لو الكورس يعطو في شهادة أسألي كيف التقييم بيكون , هل فيه معايير معينة ولا عشوائي

لأن كان تبي تشتغلي بيها الشهادة مادابيك تكون تقديرك فيها كويس

DSC_00967

: أدوات الخياطة اللي تحتاجيها

مقص

طباشير التلوين

خيوط و إبر

القضاضة

: تجربتي في الكورس و إنطباعي

أول شي انا الحق ماعمراش كان عندي إهتمام بالتفصيل ولا أني نصمم مثلا

الحاجة الوحيدة كنت نبي نتعلم نخدم بماكينة الخياطة

فلما جت الفرصة قلت نجرب منها تجربة جديدة و باش نتعلم ع الماكينة

فلما بدا الكورس إنصدمت من كم المصطلحات و الحاجات اللي مافهمت منها شي

و ماكانش ضمن الكورس أن نتعلمو ع الماكينة , ع أساس أن كل حد زابط و عنده في الحوش و هذا ماعجبنيش

ثاني شي ف التفصيل عادي نطبق و نقص القماش بس بعدين خياطته فيها هلبا تفاصيل ماكانتش توضح فيها الأبلة

زي كيف تثني حواشي القماش أو كيف تخيطي الرقبة

و فيه أساسيات زي تركيب السريته أو كيف تديري كشكشة للقونة , كله مفروض هيا توريه بالتفاصيل بس لن سألت باش علمتني فيهم

ولولا الأبلة كانت جارتنا و مشيتلها ف الحوش باش تعلمت الماكينة و زبطت التفاصيل لكل شي , راهو سيبته الكورس من الأول لأن كان ناقص بالنسبة ليا و مش شامل كل التفاصيل

حتى التخييط بالماكينة فيها حرفية و كيف تطلعي القطعة متقنة , هذا كله مفروض تتعلميه في الكورس

اللي طلعت بيه من الكورس أن تعلمت ماكينة الخياطة

أما الفصالة و خياطة الحوايج لالا ماحبيتهاش

فيها هلبا تفاصيل دقيقة و تحرق الدم هههههههه

و تبي إبداعية منك باش تضيفي لمستك لكل قطعه تفصليها

فا قبل ماتشتركو في كورس , أسألو على كل التفاصيل و ديما شوفي مدرسة تعطي في كورسات ليها فترة مش جديدة

ولو عندك نية للخياطة و تحبيها خشي و تعلمي ما حد جا من بطن أمه متعلم

و على قولت أبلتي

(صنعة الأيدين ولا ورث الجدين)

و بالنسبة للحوايج اللي درتهم لو تبو حنشارك بيهم في ستوري الانستا

و بهنا تنتهي تدوينة اليوم اتمنى أن تكون نالت إعجابكم شاركوني بأرائكم في التعليقات و في الانستقرام

و نلتقي في تدوينة جديدة

 

 

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s